മൊറയൂർ: മലയാളിയെ അക്ഷരങ്ങളുടേയും വായനയുടേയും ലോകത്തേക്കു കൈപ്പിടിച്ചുയർത്തിയ പി.എൻ പണിക്കരുടെ ചരമ ദിനത്തോടനുബന്ധിച്ച് നടത്തുന്ന വായനാ വാരോഘഷത്തിന് മൊറയൂർ ജി.എം.എൽ.പി സ്ക്കൂളിൽ തുടക്കമായി.പോസ്റ്ററുകളും പ്ലക്കാർഡുമേന്തി കുട്ടികൾ വിളംബര ജാഥ നടത്തി. പുസ്തക പ്രദർശനവും വിതരണവും നടന്നു. കൊണ്ടോട്ടി ബി.ആർ.സി കോഡിനേറ്റർ നവാസ് ഉദ്ഘാടനം ചെയ്തു. ബി.ആർ.സി ട്രെയിനർമാരായ ശ്രീ. ഷൈജു, മനോജ് എന്നിവർ വായനാ സന്ദേശം നൽകി. പരിപാടിയുടെ ഭാഗമായ പോസ്റ്റർ നിർമ്മാണം, ക്വിസ്സ്, വായനാ കുറിപ്പ് മൽസരം എന്നിവ നടക്കും. സുബൈദ ടീച്ചർ, കെ ഉമ്മർ, എം.ടി റഷീദ്, തങ്കവല്ലി, ലത്തീഫ് മംഗലശ്ശേരി എന്നിവർ നേതൃത്വം നൽകി

മൊറയൂർ: മലപ്പുറം നിയോജക മണ്ഡലം എം.എൽ.എ പി.ഉബൈദുല്ലയുടെ ആസ്തി വികസന ഫണ്ടു കൊണ്ടും നാട്ടുക്കാരുടെ സഹകരണത്തോടെയും മൊറയൂർ ജി.എം.എൽ.പി സ്ക്കൂളിന് പുതിയ സ്ക്കൂൾ ബസ് ലഭിച്ചു. ഉദ്ഘാടനം പി.ടി.എ പ്രസിഡണ്ട് എൻ.അബ്ദുൽ റസാഖിന് താക്കോൽ നൽകി കൊണ്ട് പി. ഉബൈദുല്ല എം.എൽ.എ നിർവ്വഹിച്ചു.ചടങ്ങൽ മൊറയൂർ ഗ്രാമപഞ്ചായത്ത് പ്രസിഡണ്ട് കെ. എം സലീം മാസ്റ്റർ അധ്യക്ഷത വഹിച്ചു. വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ സി.ടി ഹംസ, അംഗങ്ങളായ ഖദീജ സലാം ,ഹസീന നാണി, ബി. സക്കീന, ബി.പി.ഒ  കെ.മുഹമ്മദ് മാസ്റ്റർ, പി.ടി.എ പ്രസിഡണ്ട് എൻ.അബ്ദുൽ റസാഖ്, എം.കമ്മത് എന്നിവർ ആശംസകൾ അർപ്പിച്ചു. പ്രധാനാധ്യാപിക റുഖിയ്യ സ്വാഗതവും എം.ടി റഷീദ് നന്ദിയും പറഞ്ഞു.